لو سمحتم انا فى الجيش بنتهان وبنتشتم بأوسخ الالفاظ ازاى اشتكى ؟!

لو سمحتم ازاى اشتكى من سوء معاملة المجندين
بنتشتم فى الطابور بالاب والام وبيسبوا بالدين كمان والناس بتنضرب بلخراطيم والعصى و........ألخ

ياعنى احنا رايحين نقضى خدمة لمدة سنتين ودخلنا سلاح الداخليه ايه ذنب ابويا وامى ياخدوا شتايم من شاويش مش معاه ابتدائية

والله العظيم بيتسب لينا بالدين وشتايم كتير وفيه مجندين معايا انضربوا بالقلم والشلاليط وبالخراطيم والعصا والزحف و..........الخ من كل وسائل الذل والاهانه
هل كده انا هاخدم بلدى وقت اما تطلبنى فى الشارع؟!
ياريت حد يفيدنا نقدم شكوى ازاى للوزارة لو هيا مش عارفه ايه اللى بيحصلنا جوه المعسكرات ؟!
وازاى اصعد الامر بحيث ان ماحديش يستغله ويتاجر بينا من اجل مصالحه
ازاى نطالب اننا نتعامل كمجندين نحمى الوطن ونتعامل بأنسانية مش مجرمين

ياريت يامستشارين تقولوا لينا اعمل ايه ؟ مع العلم اننا اشتكينا مره للظابط وجاب حقنا من توبيخه للشاويش لكن مااستمرش الوضع ساعتين شوفنا بعدها اسود ايام ومازالت مستمره من الشاويشية وامناء الشرطه
ومنقدرش نهرب من التجنيد لاننا محتاجين الشهاده فى الوظيفة والسفر وكل مناحى الحياه