لساك (زجل )

لساك بتسأل يا صغيري
ع اللى كان واللى حصل
عن فجر نور ارضنا
عن فجر فى الكون انتصر
عن بدر تانى
عن فتح من رب البشر
#################
لساك بتسأل ع اليقين
وع الجنود الطيبين
اللى على مر السنين
راح يفضلوا ذكرى وعبير
احياء مهماش ميتين
#####################
لساك بتسأل زيهم
ازاى عبرنا وانتصرنا
وهزمنا اسطول الضلال
ازاى كتبنا بدمنا
أحلى اسطورة نضال
######################
لساك بتسأل ع النضال
وع الشجاع اللى عبر
سطح القنال
وهتف وهلل
الله اكبر
الله اكبر
وهزم جنود الكفر
وجنود الضلال
#################
لساك
ولسه الكون معاك
متحيرين
بس الارادة والايمان
مبيعرفوش المستحيل
والنصر منحة ربنا
للمؤمنين الطاهرين
تمت
بقلم /محمد على محمد حماد
هذا العمل تم نشره فى مجلة الشباب عام 2002