كتير مننا عندنا شبكات انترنت وفى مشاكل بتقابلنا كتير جدا ولو دورت على كل مشكله بتلاقى معظم حلها على النت لكن موضع النهارده مختلف الى حد ما بحسب ما شوفت فى كتير من المواقع مشوفتش حد شرح مشاكل السوتشات وان شاء الله معاكم هشرح المشاكل والحلول وافضل انواع السوتشات واللى محتاج اى استفسار ان شاء الله هرد عليه اولا معظمنا شغال بال تى بى لينك ده غير الانواع الجديده اللى نزلت دلوقتى زى التوتو لينك وغيرهم
التى بى لينك كسوتش نوع قديم ممتاز وبيستحمل كتير الا انه بيحصل فيه برده مشاكل تهنيج مع الوقت
لان له عمر افتراضى وهتلاقى مشاكله زادت ولازم تغيره
بدل ما نرميه او نغيره هنعيد استخدامه وهنحاول مع بعض نرجعه زى الاول ان شاء الله
وزى ما ناس كتير عارفه ان السوتشات الجديده فى التى بى لينك بقت سيئه لدرجه رهيبه
اول مشاكل السوتشات الجديده عموما زى التى بى لينك وغيرها
1 - يعتبر السوتش التى بى لينك ال 8 بورت هو افضل اختيار لك حاليا
2- ابتعد عن السوتش الخمسه بورت فى التى بى لينك نهائيا لانه بيسبب تهنيج فى الشبكه وبيعكس التهنيج على السوتش اللى
راكب قبله ودى مشكله كبيره فى حد ذاتها انك مش عارف اى السوتشات مهنج فنتفادى السوتش الخمسه بورت نهائيا
3- سوتش التوتو لينك مشاكل التوتو لينك فة مسافات الاسلاك مينفعش توصل اكتر من 90 متر ولو حصل ووصلت هتلاقى عندك
مشاكل فى تقطيع فى النت ليلا وبتزيد مع مرور الوقت والحل انك متزودش المسافه وكلما قلت المسافه كان افضل لهذا السوتش
انما مسافات السلوك يفضل ان لا تزيد عن 100 متر عن اى سوتشات منعا للمشاكل واذا زادت المسافه فيفضل التى بى لينك
4- سوتش LB LINK لا يختلف كثيرا عن TOTO LINK وتعتبر نفس المشاكل فى المسافات
ثانيا لو عندك سوتشات قديمه راكبه فى الشبكه هتلاقيها شغاله كويس وممكن متهنجش اصلا ومشاكلها قليله وده بيرجع الى جوده القطع الداخليه
لحل مشاكل الوتشات من التهنيج هنتبع بعض الطرق لتفادى مشاكلها ولكن لا انصح من ليس لديه خبره فى الهارد وير ولست مسؤل عن اى اخطاء لذلك يعمل بها من لديه خبره باستخدام المكواه او خبره فى الصيانه
الحل الاول هتعمل على تبريد الاى سى داخل السوتش بوضع كولر { مبرد بروسيسور } واضافه قطعه من الالمونيوم للتبريد باستخدام مسدس الشمع وقطعت الالمونيوم ممكن من مروحه كمبيوتر قديمه بايظه نقطع منها ودى بتكون افضل ويجب ان توضع على الاى سى بالسوتش وتحتها كولر اللى هو المبرد ويجب الا تلامس بورده السوتش ويجب ان تتاكد من احكام غلق السوتش قبل تركيبها
الحل الثانى باستخدام المكواه سنقوم بتغيير المكثفين الموجودين بالداخل وتغيرهم ب 16 فولت على 800 ميكرو فراد او
1000 ميكرو فراد ولكن من لديه الخبره فقط باستخدام المكواااه
الحل الثالث اختيار الاديبتور المناسب للسوتش لا بعض من الناس تستخدم اى اديبتور على اى سوتش وممكن يسبب تلف
السوتش ويفضل استخدام الاديبتور الاصلى
ولنا تكمله ان شاء الله فى بعض المشاكل الاخرى وانواع سوتشات اخرى ومنتظر استفسارتكم وكل من لديه مشكله لنحلها معا