بي بي سي نشرت من ساعة
خبر عن اكتشاف فصيلة جديدة من الديناصورات - بتكمل فجوة زمنية تاريخية مفقودة
مدتها حوالي تلاتين مليون سنة -
في قارة أفريقيا
واللي بتعود لأواخر العصر الطباشيري
المبهج جدًا في الموضوع
إن صاحب الاكتشاف ده مصري !
دكتور هشام سلا
خريج جامعة أوكسفورد
ومدير مركز جامعة المنصورة للحفريات الفقارية
وهو وفريقه المكون من 4 باحثات
( كلهم بنات ؟ إيه الفخر د؟ )
من جامعات المنصورة وأسيوط
شغالين بقالهم سنين على الموضوع
لحد ما انتهت رحلة البحث بفترة
مدتها أكتر من 3 أسابيع
قضوها في صحراء مصر الغربية
بيستكشفوا وبينقبوا
عشان يبان الخبر اليقين النهارده
البقايا المتحجرة لحفريات الديناصور العُشبي
اللي اكتشفوها بتقول إنه كان عايش
من حوالي 75 إلى 80 مليون سنة
طوله 10 أمتار أو قد أتوبيس مدرسة
ووزنه تقريبًا 5 أطنان أو قد وزن الفيل
وله رقبة طويلة وألواح عظمية مدمجة في جلده
دكتور هشام
- بحسب مقال ساينتيفيك أميريكان -
بيقول إن ده أول دليل علمي
يثبت الاتصال الچيولوچي
بين قارتي أفريقيا وأوروبا في الحقبة الزمنية دي
الديناصور أخد الاسم العلمي
" منصوراصوروس "
Mansourasaurus shahinae
في تخليد لاسم جامعة المنصورة
اللي عملت الاكتشاف
وأخد الكود MUVP_20
اللي حروفها جاية من
Mansoura University Vertebrate Paleontology
أو مركز جامعة المنصورة للحفريات الفقارية
الكلام ده بجد؟ بجد
هشام سلام، وإيمان الداوودي، وسناء السيد
وسارة صابر، ومي الأمير
كلهم دكاترة ومدرسين مساعدين
بجامعات المنصورة وأسيوط
ده الخبر من بي بي سي ورويترز
ووراه لينك بروفايل الدكتور واللي ناشر عليه
كل مراحل الاكتشاف
وراهم لينك مقال مجلة
Scientific American
بتفاصيل كتيرة أوي
أنا مبسوط والله !
http://www.bbc.com/news/science-environment-42860263
.